Yangi qurilgan savdo markazlaridagi doʻkonlar yoki tijorat binolaridagi ofislar ijarachilarga funksional va interyer jihatidan moslashuvchanlikni taʼminlash maqsadida koʻpincha bino qobigʻi va umumiy harakatlanish maydonlari tugallangan, elektromexanik tizimlar uchun asosiy tarmoqlar qoldirilgan, biroq ichki toʻsiqlar qurilmagan qora qurilish holatida qoldiriladi. (shell&core)
Fit-out loyihalarimizda bunday yarim qurilgan maydonlarni arxitektor va muhandislarimiz bilan birgalikda ularning vazifasiga koʻra loyihalaymiz va qurilish-montaj ishlarini bajaramiz. Maydonlarga toʻsiqlar oʻrnatib foydalanish zonalari va xonalar yaratamiz, mijozimizning kutganlariga muvofiq estetik yechimlar taklif etamiz, elektromexanik tizimlarni oʻrnatamiz. Multidisipliner, yaxlit yondashuv bilan loyihalash va qurilishni oʻz zimmamizga olib, muddat, moliyaviy xarajatlar va sifatni eng yaxshi tarzda nazorat qilamiz.
Taʼmirlash ishlarimizni eski binolarni yangilash maqsadida olib boramiz. Yangilash jarayoni binoning turli elementlarini puxta koʻrib chiqish va muvozanatlashni hamda ularning binoning umumiy ishlashiga taʼsirini yaxshi tushunishni talab qiladi. Bir qismda kiritilgan oʻzgarish boshqasiga taʼsir qilishi mumkin va bu holat baʼzan tuzatib boʻlmaydigan xatolarga sabab boʻladi. Mamlakatimiz seysmik zonada joylashganligi sababli taʼmirlash loyihalarimizning aksariyatida zilzila xavfi tahlilini oʻtkazamiz, zarurat boʻlganda binoni mustahkamlaymiz. Yangilanadigan binolarda yangi vazifasiga mos estetik yondashuvni qoʻllaymiz va elektromexanik tizimlarni buni inobatga olgan holda joylashtiramiz. SIGMA bu sohada ayniqsa banklar va chakana savdo kompaniyalariga koʻp yillardan beri xizmat koʻrsatib keladi. Orttirgan tajribamiz bizga qisqaroq muddatda, tejamliroq va sifatli maydonlar yaratish imkonini beradi.
Yangilash va fit-out loyihalarida keng tarqalgan yetarli boʻlmagan ventilyatsiya, kondensatsiya, havo sizib chiqishi, mogʻor muammolari, yuqori namlik, haddan tashqari qizib ketish kabi muammolarni yaxshi tushunib va xavflarni aniqlab, har bir loyihaga xos yechimlar ishlab chiqamiz. Andoza yechimlarni tegishli baholashsiz hech qachon qoʻllamaymiz va yuqori sifatli montajni taʼminlashga alohida eʼtibor beramiz. Fit-out va yangilanadigan maydon va xonalar loyihalarida avvalo puxta oʻrganish va baholash oʻtkazganimizdan soʻng loyihalashga oʻtamiz, qurilish-montaj ishlarini amalga oshiramiz va ushbu maydonlarning ekspluatatsiyasini hisobga olamiz.