SIGMA uzluksiz loyiha boshqaruvi orqali kalit topshiriladigan bino va obyektlarga ega boʻlishni istagan mijozlarimizga yagona nuqta masʼuliyati va yaxlit xizmatni taqdim etadigan yagona tashkilotdir. SIGMA mijozining hamkori sifatida subpudratchilarni tayinlaydi, qurilish va ishlab chiqarish ishlariga oid xaridlarni amalga oshiradi. Shu tariqa loyihalar salohiyatini va loyiha investitsiyalari qaytimini boshidanoq maksimal darajaga yetkazishga intiladi.
Uzluksiz loyiha topshirish yondashuvimiz bilan ichki va tashqi manfaatdor tomonlarga mansub turli yoʻnalishlardagi jamoalarni osonroq muvofiqlashtira olamiz. Jamoalarimiz loyihani muammosiz topshirishni taʼminlash uchun loyihalash, tender, xarid va qurilish faoliyatini sifat tizimimizga muvofiq doimiy ravishda rejalashtiradi, boshqaradi, nazorat qiladi, zarur boʻlganda qayta koʻrib chiqadi va muvaffaqiyatli topshiradi.
Loyiha boshqaruvi faoliyatining bosqichlari va oʻtishlarini oʻzaro bogʻlash uchun tijorat, davlat va turar-joy, sanoat, mehmondoʻstlik va mehmonxona, taʼlim, sogʻliqni saqlash, sport, munitsipal infratuzilma, shahar va sanoat hududlarini rejalashtirish kabi turli sohalarda ishlab orttirgan loyiha bilimlarimizdan foydalanamiz.
Yetarli resurslarni taʼminlab, yaxshi kommunikatsiyaga eʼtibor qaratib, samarali rejalashtirish va manfaatdor tomonlar ishtiroki bilan xizmatlarimizni taqdim etamiz. Loyiha boshqaruvi sohasidagi tajribamiz va koʻnikmalarimiz bunday modelni qoʻllashdagi eng muhim salohiyatimiz boʻlib, buyurtmachilarimizning loyihalarini ishonchli va toʻliq ishga yaroqli holda topshirishimizga imkon beradi.
Turli yoʻnalishlardagi muhandislarimiz, arxitektorlarimiz va maslahatchilarimiz bilan loyihaga oid strategiyalar, jarayonlar, tizimlar, ishlab chiqarish, xizmatlar va inson resurslarini yagona tom ostida birlashtirib ishlaymiz. Muhandislik xizmatlarimiz ekologiya, infratuzilma, konstruktiv loyihalash, yongʻin xavfsizligi, mexanika va elektr sohalarini qamrab oladi. Akustika, fasad kabi maxsus sohalarda maslahatchilarimiz bilan ishlaymiz va universitetlar bilan hamkorlik qilamiz. Turli sohalar uchun ishlay oladigan arxitektorlarimiz bilan konsepsiya va detallarni ishlab chiqa olamiz, interyer dizayni va landshaft arxitekturasi xizmatlarini koʻrsata olamiz.
UZLUKSIZ LOYIHA BOSHQARUVINI QANDAY QOʻLLAYMIZ
Loyiha boshqaruvidagi muammolarni jarayonning har bir bosqichida boshqara olish uchun moslashuvchan (agile) yondashuvni qoʻllaymiz, malakali kommunikatsiya oʻrnatib, uni bilimlarimiz va texnologiyalar bilan uygʻunlashtiramiz. Yirik va murakkab loyihalarni boshqarish uchun ishlarni tuzilmaviy taqsimlash orqali monitoringni osonlashtiramiz. Haqiqiy samaradorlikni rejalashtirilgan koʻrsatkichlar bilan solishtirib, muhim masalalar va umumiy rivojlanishni yaxshiroq kuzatamiz. Shu tariqa qiymat muhandisligini amalga oshira olamiz va oʻzgartirish soʻrovlarini loyihalarga osonroq kirita olamiz. Murakkab loyihalarni boshqarishda barcha zarur tizimlar va jarayonlar boʻyicha real vaqt rejimida monitoring va hisobotni taʼminlaymiz, muhim muammolar va qamrovdagi oʻzgarishlarga yechim topamiz, bajarilmagan yoki eʼtibordan chetda qolgan ishlarni oʻz vaqtida aniqlab, tuzatamiz. Texnologiyalardan foydalangan holda bino modellashtirish texnikasi orqali barcha boʻlinmalar va manfaatdor tomonlarga maʼlumotlar oqimini taʼminlaymiz hamda ish boshqaruvini osonlashtirar ekanmiz, muvofiqlashtirishni ham yagona nuqtadan amalga oshiramiz.
Uzluksiz loyiha topshirish yondashuvimizni loyiha boshlanishi bilanoq qoʻllaymiz. Loyihaning butun hayot sikli davomida muammolarga duch kelmaslik uchun buyurtmachining talablarini yaxlit holda va yagona nuqtadan xizmat koʻrsatish maqsadida batafsil oʻrganib chiqamiz. Qamrovni belgilaymiz, ustuvorliklarni tartiblaymiz, kommunikatsiya va sifatni taʼminlaymiz, kommunikatsiyalar boshqaruvini tashkil etamiz va shu tariqa manfaatdor tomonlarni yaxshiroq boshqara olamiz. Rejalashtirish darajasida yaxlit fikrlab va barcha yoʻnalishlarni hisobga olib, loyiha jarayoni bosqichlari oʻrtasidagi oʻtishlardagi muammolarni minimal darajaga tushiramiz.
Biz ishlaydigan anʼanaviy loyiha topshirish usullari;
Loyihalash-Tender-Qurilish: Ketma-ket uchta loyiha bosqichini turli pudratchilarga berib, loyiha boshqaruvini buyurtmachining oʻzi zimmasiga oladigan ushbu modelda SIGMA uchala bosqichni ham oʻz zimmasiga ola oladi. Ushbu uch bosqichda ishtirok etmagan hollarda esa buyurtmachi nomidan loyiha va qurilish boshqaruvini amalga oshiradi.
Loyihalash bosqichida guruhimizning koʻp tarmoqli tuzilmasi konstruktiv loyihalash, yongʻin xavfsizligi, mexanika, elektr, ekologiya, transport, infratuzilma kabi alohida yoʻnalishlarga oid shartnomalar asosida ishlash imkonini bersa-da, ularni yagona paket sifatida ham topshira olamiz.
Tenderga oid ishlarimizda loyiha hujjatlarini tekshiramiz, ularni tender hujjatlariga aylantiramiz va tender eʼlon qilib, pudratchilarni tanlaymiz.
Qurilish bosqichida bosh pudratchi sifatida loyihaning barcha talablariga oid xizmatlarni koʻrsata olamiz.
Loyihalash va qurish: Buyurtmachi va maslahatchilar jamoasi yagona pudratchiga ham loyihalash, ham qurilish ishlarini topshiradigan ushbu modelni muhandislik, arxitektura va qurilish kompaniyasi sifatida bemalol amalga oshira olamiz. Loyihalash va qurilishni birlashtirib, muddatlarni optimallashtiramiz. SIGMA bunday turdagi shartnomalarda faqat loyihalash yoki faqat qurilish ishlarini ham oʻz zimmasiga ola oladi.
Odatiy shartnomalardan tashqari SIGMA loyihalarning bir bosqichli yoki ketma-ket bosqichlarini ham oʻz zimmasiga oladi. Bu shartnomalar Loyihalash, Tender, Loyiha boshqaruvi, Qurilish boshqaruvi, Sinov va ishga tushirish xizmatlari, Maxsus sohalar boʻyicha konsalting, texnik-iqtisodiy asoslash, konsepsiyani ishlab chiqish va h.k.larni qamrab olishi mumkin.